Priest-in-Charge (Cathedral Parish)

ᐊᔪᕆᖅᑐᐃᔨᕐᔪᐊᖅ ᐅᑭᐅᖅᑕᖅᑐᒥ ᕿᓂᖅᐳᖅ ᓂᕈᐊᕋᔅᓴᒥᒃ ᐊᔪᕆᖅᓱᐃᔨᓪᓗᐊᑕᔅᓴᒥᒃ ᑐᒃᓯᐊᕐᕕᔾᔪᐊᕐᒥ ᐃᖃᓗᓐᓂ, ᓄᓇᕘᒥ. ᑖᓐᓇ ᐊᕐᕌᒎᓐᓄᑦ ᒪᕐᕉᓐᓄᑦ ᐱᓕᕆᓂᒃᑯᑦ ᑐᕌᒐᓕᒻᒥᒃ ᐃᓂᐅᓂᐊᖅᑐᖅ.
The Bishop of The Arctic is seeking to appoint a Priest-in-Charge of the Cathedral Parish in Iqaluit, Nunavut.  This is a 2-year mission-focused term appointment.

ᐱᓕᕆᐊᔅᓴᕗᑦ ᐅᓇ ᐅᖃᐅᓯᖃᖁᓪᓗᑕ ᑐᓴᕈᒥᓇᖅᑐᓂᒃ ᔩᓱᓯ Xᔅᑑᓯᒥᒃ ᐊᒻᒪᓗ ᐱᔪᓐᓇᖅᓯᑎᑦᑎᕙᓪᓕᐊᓂᖅ Xᔅᑑᓯᒥᐅᑕᓂᒃ ᐅᑉᐱᕐᓂᕐᒨᖅᑎᑦᑎᓂᕐᒥᒃ. ᒥᑭᓪᓕᑎᕐᓂᒃᑯᑦ ᐱᔪᒪᕗᒍᑦ ᑕᑎᔅᓴᑦᑎᐊᒥᒃ, ᐃᓱᒪᓂᖃᑦᑎᐊᖅᑐᒥᒃ ᓯᕗᓕᖅᑎᒥᒃ ᐱᕙᓪᓕᐊᑎᑦᑎᔪᓐᓇᖅᑐᒥᒃ ᐅᑉᐱᓂᕐᒧᑦ, ᓄᓇᓕᐸᐅᔭᐅᑉ ᐱᔭᕆᐊᓕᓪᓚᕆᖓᓂᒃ ᐱᔪᒥᒃ. ᑭᖑᙳᔾᔨᔭᔅᓴᖅᑕᖃᒻᒪᕆᒻᒪᑦ ᐊᑕᓂᑦᑎᓐᓂᒃ- ᐃᓄᓐᓄᑑᙱᑦᑐᖅ, ᐃᓪᓗᓄᑑᙱᑦᑐᖅ, ᓄᓇᒧᑑᙱᑦᑐᖅ, ᑭᓯᐊᓂ ᐊᔾᔨᐅᖏᑦᑐᒃᑯᑦ ᑕᑎᒋᔭᔅᓴᐅᓂᒃᑯᑦ ᓄᓇᓕᑦᑎᓐᓂ – ᐊᒻᒪᓗ ᔩᓱᓯ ᐃᓕᓐᓂᐊᑎᑦᑎᒻᒪᑦ, ᐱᕕᔅᓴᖃᓕᕐᓂᑎᓐᓂᒃ ᓲᕐᓗ ᒎᓗ ᓴᒡᒐᕐᓗᒍ ᓄᓇᒥᑦ ᖃᑭᓂᐊᕐᒪᑦ ᑐᓂᔪᒫᕐᓂᐊᖅᑕᕗᑦ ᑭᖑᕚᑦᑎᓐᓄᑦ ᐱᓪᓗᒍ.

Our mission is to proclaim the Good News of Jesus Christ and to enable all Christians for ministry.  We’re humbly accepting that we need a faithful, visionary leader who can call us back to that mission, for the good of our city.  We have an incredible inheritance in the Lord – not just people, buildings, and land, but a unique place and trust in our community – and as Jesus teaches, it is time for us to dig that gold out of the ground and invest it boldly before we pass it on to the next generation.

ᑐᒃᓯᐊᕐᕕᔾᔪᐊᖅ ᐃᓂᖃᕐᒪᑦ ᓄᓇᓕᐸᐅᔭᒥ ᐃᖃᓗᓐᓂ, ᑐᑦᑕᕕᓪᓗᐊᑕᐅᓪᓗᓂ ᒐᕙᒪᒃᑯᓐᓄᑦ ᐊᒻᒪᓗ ᐱᙳᐊᕐᓂᒐᓚᓐᓄᑦ ᐊᒥᓱᓄᑦ, ᓂᔾᔭᐅᓯᔭᓲᓄᑦ, ᐋᓐᓂᐊᕕᓕᐊᖅᑕᖅᑐᓄᓪᓗ ᓄᓇᕘᒥ. ᑐᒃᓯᐊᕐᕕᔾᔪᐊᖅ ᐃᒡᓗᕕᒐᙳᐊᖑᓪᓗᓂ ᐃᖃᓗᐃᑦ ᕿᑎᓪᓗᐊᖓᓂ (ᓴᓂᓕᖃᖅᑐᓂ ᑲᑎᒪᕕᖓᓂᒃ ᐊᓪᓚᕝᕕᖓᓂᓪᓗ ᑐᒃᓯᐊᕐᕕᐅᑉ), ᐱᖃᓯᐅᑎᓗᒍ ᑐᒃᓯᐊᕐᕕᖓ ᓂᐊᖁᙴᑉ.

The Cathedral parish is located in the dynamic capital city of Iqaluit, which is the center of government and the hub of sports, music, and healthcare for Nunavut.  The parish includes the unique igloo-shaped Cathedral in the heart of Iqaluit’s downtown (with adjacent parish hall and office/residence building), as well as St. Simon’s Church over the hill in Apex.

ᑐᒃᓯᐊᕐᕕᔾᔪᐊᖅ ᐊᑐᐃᓐᓇᐅᒪᓕᖅᐳᖅ ᐱᕈᖁᓪᓗᒍ ᑕᑎᖃᕐᓂᒃᑯᑦ ᒎᑎᒥᒃ ᑕᒪᐅᓇ ᐊᔪᕆᖅᓱᐃᔨᓪᓗᐊᑕᒧᑦ ᓯᕗᓕᖅᑕᐅᔪᒥᒃ. ᐃᓱᒪᖃᑎᒌᑉᐳᒍᑦ ᐃᑲᔪᖅᑕᐅᔭᕆᐊᖃᕐᓂᑎᓐᓂᒃ ᐅᑉᐱᓂᕐᒨᑲᓐᓂᕆᐊᖃᕐᓂᕐᒥᒃ ᑐᓴᖅᑎᑦᑎᓂᕐᒥᓪᓗ; ᐊᒥᓲᓂᖅᓴᐃᑦ ᐃᓄᐃᑦ ᐃᓚᐅᖃᑕᐅᓪᓗᑎᒃ, ᐃᓗᕕᖅᓯᔭᕆᐊᖃᖃᑦᑕᖅᓯᒪᕗᒍᑦ ᐱᖓᓱᓂᒃ ᑎᓴᒪᓂᓪᓘᓐᓃᑦ ᐱᓇᓱᐊᕈᓯᐅᑉ ᐃᓗᐊᓂ, ᑕᒪᓐᓇ ᑕᑯᔭᐅᖃᑦᑕᓕᖅᓯᒪᔪᖅ ᑐᒃᓯᐊᕐᕕᔾᔪᐊᖅ ᕿᒃᓵᕝᕕᐅᓂᖓᓂᒃ ᖁᕝᕕᐅᕐᓇᕐᓂᖓᓂᓪᓗ. ᓄᖅᑲᕐᓂᕐᒧᑦ ᑎᑭᐅᑎᔪᑦ ᐱᓯᒪᒻᒪᑕ, ᐊᐅᓪᓛᖅᑐᓪᓗ ᐊᓯᐊᓄᑦ ᓄᓇᓕᓐᓄᑦ, ᐃᓐᓇᑐᖃᐃᓪᓗ ᐊᖏᕐᕋᐅᔪᑦ ᐊᑕᓂᕐᒧᑦ, ᒫᓐᓇ ᐱᕈᖅᓴᐃᑲᓐᓂᕆᐊᖃᓕᖅᐳᒍᑦ ᐱᔪᓐᓇᖅᓯᑎᑦᑎᓂᕐᒥᒃ ᐃᓅᓱᓐᓂᖅᓴᓂᒃ ᓯᕗᓕᕐᓂᐊᖅᑐᓂᒃ. ᐊᓯᔾᔨᕐᓂᖅ ᐱᔭᕆᐊᑐᐃᓐᓇᖅᐳᖅ, ᑭᓯᐊᓂ ᑕᒪᔾᔭ ᐃᓚᖓ ᐱᔾᔪᑕᐅᔪᖅ ᐊᔪᕆᖅᓱᐃᔨᕐᔪᐊᑉ ᓴᖅᑭᑎᑦᑎᓂᖓᓂᒃ ᒪᕐᕉᓐᓄᑦ ᐊᕐᕌᒎᓐᓄᑦ ᐱᒋᐊᕈᑎᒋᓗᒍ; ᑎᓕᔭᐅᓂᕐᓂᒃ ᐃᑉᐱᒍᓱᒃᑯᕕᑦ ᐃᑲᔪᕆᐊᖅᑐᔅᓴᐅᓂᕐᓂᒃ ᑕᒪᓐᓇ ᐊᓯᔾᔨᕈᑕᐅᔭᕆᐊᓕᒃ ᐱᓪᓗᒍ ᐊᒻᒪᓗ ᑐᕌᒐᖃᕐᓂᖅ ᑐᒃᓯᐊᕕᒻᒨᖅᑕᖅᑎᐅᙱᑦᑐᓂᒃ ᓈᑦᑏᖑᔭᒥ, ᑖᓐᓇ ᐃᓂᔅᓴᕆᕙᑦ!

The Cathedral currently finds itself ready to grow and trust God together under the leadership of a new priest-in-charge.  We are in agreement that we need help to re-focus our mission and ministry; with most Inuit considering themselves members, we can do as many as 3 or 4 funerals in a week, which has brought us to the point where many only see St. Jude’s Cathedral as a place to mourn and grieve.  With some retirements, moves, and some elders going to be with the Lord, it is now time to raise up and engage a new generation of leaders. Change is always hard, but that is part of the reason why the Bishop is advertising this as a 2-year term to start; if you feel called to help us bring about that missional change and learn to focus on those not-yet in church on Sundays, this is the place for you!

ᑖᓐᓇ ᑐᒃᓯᐊᕐᕕᔾᔪᐊᖅ ᐱᖓᓱᐃᓂᒃ ᑐᒃᓯᐊᕆᐊᖅᑕᖅᑎᓂᒃ ᐱᖃᕐᒪᑦ: ᖃᓪᓗᓈᑎᑐᑦ ᐅᐸᑉᐸᑦᑐᑦ 20-ᒐᓚᐃᑦ, ᐃᓄᒃᑎᑐᓪᓗ ᐅᓪᓛᒃᑯᑦ 75-ᒐᓚᐃᑦ, ᐊᒻᒪᓗ ᐅᓐᓄᒃᑯᑦ ᐃᓄᒃᑎᑐᑦ (ᑐᒃᓯᐊᖅᑐᑦ ᓂᖅᑐᐃᔪᓪᓗ) ᑕᒫᓂ 50-ᒐᓚᐃᑦ ᐅᐸᑉᐸᑦᑐᑦ; ᓂᐊᖁᙴᒥ ᑐᒃᓯᐊᕐᕕᒃ ᐅᐸᑦᑕᐅᕙᒻᒥᔪᖅ ᐅᓐᓄᒃᑯᑦ ᐊᒻᒪᓗ ᓱᕈᓯᕐᓄᑦ ᐃᑲᔪᖅᑎᔅᓴᖃᕋᐃᒻᒪᑕ ᑲᒪᔨᒥᒃ ᐊᑭᓕᖅᓱᖅᑕᐅᖏᑦᑐᓂᒃ, ᑭᓯᐊᓂ ᑐᒃᓯᐊᕆᐊᖅᑎᖃᐃᓐᓇᖏᑦᑐᖅ ᒫᓐᓇ. ᑐᒃᓯᐊᕐᕕᓕᕆᔩᑦ ᑕᒪᐃᓐᓂᒃ ᖃᐅᔨᒪᒋᐊᖅᑏᑦ.

The Cathedral has 3 distinct congregations: an English congregation of about 20, an Inuktitut morning congregation of about 75, and an Inuktitut evening (prayer & praise) congregation of about 50; St. Simon’s in Apex offers a Sunday evening Sunday School program when volunteers are available, but doesn’t have a regular worshipping community at this time.  One united vestry works together to provide oversight.

ᐊᔪᕆᖅᓱᐃᔨ ᐱᓕᕆᔪᖅ ᑎᓕᔭᐅᔪᖅ ᐃᖃᓗᓐᓄᑦ ᓈᓚᒍᓐᓇᑦᑎᐊᒻᒪᕆᒋᐊᖃᖅᐳᖅ ᐃᓕᓴᕋᐃᓪᓗᓂᓗ; ᐃᓄᒃᑎᑑᕈᓐᓇᖏᑦᑑᒐᓗᐊᖅᐸᑦ ᖃᓄᐃᙱᑦᑐᖅ, ᑭᓯᐊᓂ ᐊᔪᐃᓐᓇᕆᐊᖃᕋᔭᖅᐳᖅ ᐅᖃᖅᑕᐅᓪᓗᐊᑕᓲᓂᒃ ᐃᓄᒃᑎᑐᑦ ᑐᒃᓯᐊᕐᓂᐅᔪᓂᒃ ᐅᖃᐅᓯᖏᒍᑦ ᐃᓄᐃᑦ. ᐱᒻᒪᕆᐅᒋᕗᖅ, ᐃᑲᔪᕈᓐᓇᕐᓗᑎᑦ ᐱᕙᓪᓕᐊᑎᑦᑎᓂᐅᔪᒪᔪᒧᑦ ᐃᓕᖅᑯᓯᖃᖃᑎᒌᙱᑦᑐᑦ ᐊᑯᕐᖓᓐᓂ; ᐃᓄᐃᑦ ᖃᐅᔨᒪᔭᑐᖃᖏᒍᑦ ᑐᑭᖃᖅᐳᖅ ᖁᕕᐊᒋᔭᖃᔾᔮᖏᑦᑐᒍᑦ ᐸᐃᑉᐹᑎᒍᑦ “ᐸᕐᓇᐅᓯᐅᖅᓯᒪᔪᒥᒃ” ᐅᖃᓕᒫᒐᕈᖅᓯᒪᓪᓗᓂ ᑐᓴᕈᒥᓇᕆᔭᐅᓪᓗᓂ. ᐃᓄᐃᑦ ᐱᖅᑯᓯᖓ ᐱᓕᕆᓂᒃᑯᑦ ᓴᖅᑭᐊᑎᑦᑎᓂᒃᑰᖓᒻᒪᑦ ᐊᖏᖃᑎᒌᓐᓂᒃᑰᖃᑦᑕᕋᑦᑕ; ᒪᑐᐃᖓᓂᖅᑕᖃᕆᐊᓕᒃ ᐊᒻᒪ ᕿᓄᐃᓵᕐᓂᖅᑕᖃᕐᓗᓂ ᐊᖏᖃᑎᒌᓐᓂᒃᑯᑦ ᓇᒧᙵᐸᓪᓕᐊᒻᒪᖔᑦᑕ ᖃᓄᐃᒻᒪᓪᓗ ᑕᐃᒫᖑᕙ, ᑲᑐᔾᔨᖃᑎᒌᑦᑐᑕ ᐱᓇᓱᐊᑦᑕᓕᖅᑲᕗᑦ. ᐃᓅᙱᑦᑐᓄᑦ, ᓂᕆᐅᓐᓂᐊᖅᐳᒍᑦ ᖃᓪᓗᓇᐅᔭᕈᓐᓇᕐᓃᑦ ᐱᒻᒪᕆᐅᓂᖓᓂᒃ ᑐᑭᓯᓇᕐᓂᖓᓂᓪᓗ, ᐊᒥᓲᒻᒪᑕ ᐊᔪᕆᖅᓱᕋᔭᖅᑕᑎᑦ ᐅᖃᐅᓯᖃᖅᑳᖅᓯᒪᙱᒻᒪᑕ ᖃᓪᓗᓈᑎᑐᑦ ᑐᑭᓯᓇᖃᑦᑕᕆᐊᖃᕐᒪᑕ ᐃᓄᓐᓄᑦ ᑐᑭᓯᐊᔪᓄᑦ.

A missionary priest called to Iqaluit will need to be a very good listener and a fast learner; we won’t expect you to be fluent in Inuktitut, but you’ll need to work hard to pick up important phrases and to lead parts of the service in the language of the people.  Just as important, you’ll need to be the sort of person who can help us navigate the necessary change in a cross-cultural sort of way; Inuit ways of knowing (Inuit Qaujimajatuqangit) mean we won’t be impressed or convinced with a “strategic plan” because it was printed in a book with a nice cover and good reviews.  Inuit culture is an outcome-based culture and we work on consensus; it takes openness and patience to come to agreement about where we are headed and why, and then we can work together to get there.  For non-Inuit, we will expect that your English-language skills are top-notch, as so many of those to whom you will minister in their second language face so much of a language barrier to begin with.

ᐊᒥᓲᒋᕗᑦ ᐋᖅᑮᓴᕋᐃᒍᑏᑦ ᓇᓗᓇᐃᖅᑕᐅᓯᒪᔪᑦ, ᒪᑯᐊᓗ ᐃᑲᔪᖅᑕᐅᓂᕗᑦ ᖃᓄᖅ ᐋᖅᑭᑦᑎᐊᒃᑲᓐᓂᕈᓐᓇᕐᒪᖔᑕ ᐃᓯᕆᐊᖅᑐᕐᕖᑦ ᐊᓂᕕᐅᔪᓪᓗ ᑐᓄᐊᒍᑦ ᐅᑉᐱᖅᑑᖃᑎᑦᑎᓐᓂᒃ ᑲᑎᓯᔪᓐᓇᕐᓃᑦ ᖃᓪᓗᓈᓂᓪᓗ ᐃᓄᓐᓄᓪᓗ ᑐᒃᓯᐊᕆᐊᕐᓃᑦ (ᐊᓂᒐᓱᐊᒡᒐᕆᐊᑐᙱᑐᒃᑯᑦ ᑲᑎᒪᕕᒻᒨᓂᐊᕐᓗᓂ), ᐊᒻᒪᓗ ᐊᓪᓚᕝᕕᖓ ᓅᑕᐅᖁᓪᓗᒍ ᑐᒃᓯᐊᕐᕕᒻᒧᑦ ᒪᑐᐃᖓᑎᑦᑎᓂᖅᓴᐅᖁᓪᓗᒍ ᑕᑯᔭᖅᑐᕈᒪᔪᓄᑦ ᑐᒃᓯᐊᕆᐊᖅᑎᓄᓪᓗ ᐱᓇᓱᐊᕈᓯᐅᑉ ᐃᓗᐊᓂ. ᐊᔪᕆᖅᓱᐃᔨᕐᔪᐊᖅ (ᔨᐊᓗᓇᐃᒥ ᐃᓂᖃᖅᑐᖅ) ᑕᑯᔪᒪᒻᒪᑦ ᐊᓪᓚᕝᕕᖃᓕᖅᑐᓂᒃ ᐱᓇᓱᑦᑎᖏᓐᓂᒃ ᑐᒃᓯᐊᕐᕕᔾᔪᐊᒥ, ᑐᒃᓯᐊᕐᕕᔾᔪᐊᕐᓗ ᑐᓴᖅᓴᐅᔪᓐᓇᖅᓯᒃᑲᓐᓂᖁᓪᓗᒍ ᑕᑯᔅᓴᐅᑦᑕᐅᑎᒋᓗᓂ, ᖃᐅᔨᒪᒐᑦᑕ ᐃᑲᔫᑎᒐᔭᕐᓂᖓᓂᒃ ᓄᓇᓕᐅᔪᓄᑦ ᐊᔪᕆᖅᓱᐃᔨᖃᙱᑦᑐᓄᑦ, ᐃᓚᓕᐅᑎᓗᒍ ᐋᙱᓕᑲᒃᑯᑦ ᓈᓚᐅᑎᒃᑰᕈᓐᓇᐅᑎᖓ ᐊᑐᖅᑕᐅᖃᑦᑕᕇᖅᑐᖅ ᑐᒃᓯᐊᕐᕕᔾᔪᐊᕐᒥ.

There are some quick and easy “wins” that have already been identified, such as helping us re-think the entry area and the rear of the cathedral sanctuary to allow for a time of bilingual fellowship between the English and Inuktitut services (without requiring a trek over to the parish hall), and relocating the office to the cathedral building to allow for the building to be opened to visitors and parishioners throughout the week.  The Diocesan Bishop (based in Yellowknife) would like to see the daily office recited in the Cathedral, and if the Cathedral were to set up a good Inuktitut-language live-stream of services, we know it would be a big support to the Inuit communities without local clergy, to supplement the Anglican local radio station that is already run from the Cathedral.

ᐊᔪᕆᖅᓱᐃᔨᓪᓗᐊᑕᖅ ᐃᑲᔪᖅᑕᐅᒐᔭᖅᑐᖅ ᐅᓪᓘᑉ ᐃᓚᖓᓂᒃ ᐊᓪᓚᕕᒻᒥᐅᑕᒥᒃ, ᐃᑲᔪᖅᑎᓴᕐᓗ ᐊᔪᕆᖅᓱᐃᔨᒥᒃ/ᐱᓇᓱᑦᑎᑖᖑᓂᐊᖅᑐᖅ, ᐊᒻᒪᓗ ᖃᓪᓗᓇᐅᔭᓲᖅ ᐊᔪᕆᖅᓱᐃᔨᕐᔪᐊᖅ ᐃᑲᔪᖅᑎ ᐃᖃᓗᒻᒥᐅᖑᓪᓗᓂ ᐃᑲᔪᕈᓐᓇᖅᑐᓂᓗ ᐃᔾᔪᕐᓇᐃᑎᑕᐅᔪᓂᒃ ᓴᐃᒻᒪᖅᑎᑦᑎᓂᐅᔪᓂᒃ, ᒪᕐᕉᓪᓗ ᐊᔪᕆᖅᓱᐃᔨᑲᓵᒃ (ᐃᓄᒃ ᐊᐃᑉᐹ ᖃᓪᓗᓈᖅ), ᐊᒻᒪᓗ ᐃᑲᔪᖅᑎᓂᒃ ᐅᔭᒥᓕᓐᓂᒃ ᐱᓕᕆᒃᑲᒻᒪᕆᐅᔪᓂᒃ ᐱᖃᑎᖃᕋᔭᕐᒥᔪᖅ ᐃᓄᒃᑎᑐᑦ ᐅᖃᐅᓯᓕᓐᓂᒃ.

The Priest-in-Charge is supported by a part-time Office Administrator position, a yet-to-be-hired Curate/Assisting Priest position, a bilingual Suffragan Bishop who is resident in Iqaluit and can assist sacramentally as required, two non-stipendiary Deacons (Inuk and English), and a team of experienced and dedicated Inuktitut-speaking lay leaders.

ᑐᒃᓯᐊᕐᕕᔾᔪᐊᖅ ᒫᓐᓇ ᐃᒻᒥᓂᖅᓱᖏᑦᑐᖅ, ᑕᒪᓐᓇ ᐱᓪᓗᒍ ᑖᓐᓇ ᐊᔪᕆᖅᓱᐃᔨᓪᓗᐊᑕᖅ ᐊᔪᕆᖅᓱᐃᔨᓄᑦ ᐃᑲᔫᓯᐊᖑᕙᑦᑐᓄᑦ ᐱᖃᑕᐅᔪᖅ ᐊᔪᕆᖅᓱᐃᔨᕐᔪᐊᖃᕐᕕᒃᑯᑦ, ᐊᕐᕌᒍᑕᒫᑦ ᑐᕌᒐᕆᓂᐊᖅᑕᖏᓐᓂᒃ ᓇᓗᓇᐃᖅᓯᒪᔪᖁᑎᖃᓲᖅ ᐊᒻᒪᓗ ᐅᓂᒃᑳᓕᐅᕈᓐᓇᕐᓗᓂ ᐃᖅᑲᐅᒪᔭᐅᖁᓪᓗᒍ “ᐱᓕᕆᐊᔅᓴᕗᑦ ᐱᒻᒪᕆᐅᓂᖅᐸᐅᓂᖓᓂᒃ”; ᐃᓪᓗᖁᑕᐅᔪᑦ ᐸᐃᑉᐹᓕᕆᐊᔅᓴᓪᓗ ᑲᒪᒋᔭᔅᓴᑑᔮᓕᕋᔭᖅᑎᓪᓗᒋᑦ, ᑭᓯᐊᓂ ᐃᖅᑲᐅᒪᒋᐊᖃᖅᐳᒍᑦ ᐱᓕᕆᐊᔅᓴᒫᑦᑎᓐᓂᒃ “ᐅᖃᐅᓯᖃᕐᓂᕐᒃ ᑐᓴᕈᒥᓇᖅᑐᓂᒃ ᔩᓱᓯ Xᔅᑑᓯᒥᒃ ᐊᒻᒪᓗ ᐱᔪᓐᓇᖅᓯᕙᓪᓕᐊᑎᑦᑎᓂᖅ ᐅᑉᐱᓂᒃᑯᑦ Xᔅᑑᓯᒥᐅᓂᑦ.

The Cathedral is not currently a self-supporting congregation, so this position falls under the Clergy Support Grant structure of the Diocese, with annual goal-setting and reporting to help remember that “the mission matters most”; the building and administration can take so much attention, but we must continually remind ourselves that we exist to proclaim the Good News of Jesus Christ and enable all Christians for ministry.

ᐃᓪᓗᔅᓴᖃᕋᔭᖅᑐᖅ ᐃᓪᓗᖁᑎᒋᔭᒥᒃ ᐊᔪᕆᖅᓱᐃᔨᕐᔪᐊᒃᑯᑎᒍᑦ ᐊᐅᓚᑕᐅᔪᒥᒃ ᑐᒃᓯᐊᕐᕕᓕᕆᔨᓄᑦ, ᐊᒻᒪᓗ ᓄᓇᓯᐅᑎᖃᖅᑐᑎᒃ ᐊᑐᕋᔅᓴᒥᒃ. ᑮᓇᐅᔭᖅᑖᔅᓴᖏᑦ ᐋᖅᑭᐅᒪᔪᑦ ᖁᑦᑎᓂᖅᓴᓂᒃ ᑲᑎᒪᔨᓄᑦ ᒪᓕᑦᑐᑦ ᐅᑭᐅᖅᑕᖅᑐᒥ ᑲᑎᒪᔨᕐᔪᐊᒃᑯᑦ ᐋᖅᑭᓯᒪᔭᖏᓐᓂᒃ; ᒫᓐᓇᐅᔪᖅ ᐃᒪᓐᓇᓂᒃ ᐊᑭᓕᖅᑕᐅᒪᔪᖅ $3,580 ᑕᖅᑭᑕᒫᑦ, ᓄᓇᓕᒻᒦᓐᓂᖓ ᐃᓚᓕᐅᑎᓗᒍ ᐃᑲᔫᓯᐊᖅ $1,251 ᑕᖅᑭᑕᒫᑦ, ᐱᓕᕆᓯᒪᓕᕐᓂᖓᓗ ᖃᓄᑎᒋᒃ ᒪᓕᑦᑕᐅᒐᔭᕐᒥᔪᖅ ᐊᔪᕆᖅᓱᐃᔨᐅᓕᕐᓂᖓ. ᕿᑲᕋᔅᓴᖃᖅᑎᑦᑎᕙᑦᑐᒍᑦ ᐱᓇᓱᐊᕈᓯᕐᓂᒃ 6-ᓂᒃ ᐊᑭᓕᖅᓱᖅᑕᐅᓪᓗᑎᒃ ᐊᕐᕌᒍᑕᒫᑦ, ᐊᒻᒪᓗ ᕿᑲᕈᓯᐊᕐᓂᒃ ᖃᖓᑦᑕᐅᑎᒧᑦ ᐃᑲᔫᑎᓂᒃ $2,094 (ᐃᓚᔮᕇᑦ ᖃᑦᑎᐅᓂᖏᑦ ᒪᓕᑦᑐᒋᑦ ᐊᑕᐅᓯᕐᒧᑦ) ᐊᕐᕌᒍ ᓯᕗᓪᓕᖅᐹᖅ ᐊᓂᒍᑐᐊᕐᒪᑦ. ᓄᖅᑲᑐᖅᓯᐅᑎᔅᓴᓄᓪᓗ, ᐃᓕᓐᓂᐊᕈᑎᔅᓴᓄᓪᓗ, ᐋᓐᓂᐊᕕᓕᐊᕈᑎᓄᑦ/ᐃᒡᒐᑦᑖᕈᑏᑦ/ᑭᒍᓐᓂᐊᖅᑕᐅᒍᑏᑦ ᐱᑕᖃᕐᒥᔪᑦ.

Accommodations and utilities are provided in one of the 5 housing units owned by the diocese and managed by the parish, along with use of a modest-but-serviceable vehicle.   The stipend is set by the Executive Committee based on Council of the North rates; it is currently a base stipend of $3,580 monthly, a location allowance of $1,251 monthly, plus a Length of Service amount calculated by the number of years since ordination to the diaconate.  We provide 6 weeks of paid vacation yearly, plus an annual Vacation Travel Allowance of $2,094 (per eligible family member) after the first year of service.  Pension, Continuing Education Plan, and extended health/vision/dental coverage are provided.

ᐃᑲᔪᔾᔮᖏᑦᑐᒍᑦ ᒫᓐᓇ ᑲᓇᑕᒨᕈᓐᓇᐅᑎᒥᒃ ᑕᕆᐅᑉ ᐊᑭᐊᓃᙶᕈᑎᓂᓪᓘᓐᓃᑦ ᐊᐅᓪᓛᓂᕐᒧᑦ ᑖᓐᓇ ᒪᕐᕉᓐᓄᑦ ᐊᕐᕌᒎᓐᓄᑦ ᐱᓕᕆᐊᔅᓴᖅ ᐋᖅᑭᐅᒪᒻᒪᑦ. ᐱᔪᓐᓇᖅᑐᒍᑦ ᐱᓇᓱᒍᒪᐅᑎᓂᒃ ᐃᖅᑲᓇᐃᔭᕈᓐᓇᐅᑎᖃᕇᖅᑐᓂᒃ ᑲᓇᑕᒥ, ᐅᕝᕙᓘᓐᓃᑦ ᑎᓕᔭᐅᓯᒪᔪᓂᒃ “ᐱᔾᔪᑎᖃᓪᓚᕆᑦᑐᓂᒃ ᐃᓂᒋᑲᐃᓐᓇᓂᐊᕐᓗᒍ” 2 ᒪᕐᕉᒃ ᐊᕐᕌᒎᒃ ᐃᓗᐊᓂ ᐱᓕᕆᐊᖃᕈᒪᔪᒥᒃ “ᐅᑉᐱᓕᖅᓴᐃᔪᔅᓴᖅ” ᕖᓴᖃᕈᑎ ᐃᑲᔪᖅᑕᐅᓂᖃᕆᐊᖃᙱᑦᑐᒥᒃ ᑲᓇᑕᐅᑉ ᐊᓯᐊᓃᙶᕈᑎᒥᒃ. ᑕᐃᓐᓇ ᓂᕈᐊᖅᑕᐅᔪᖅ ᐃᓂᑖᖅᑎᑕᐅᓕᕋᔭᕐᓗᓂ ᐊᔪᕆᖅᓱᐃᔨᓪᓗᐊᑕᐅᓂᕐᒧᑦ/ ᑐᕌᖅᑕᕐᕕᓪᓗᐊᑕᐅᓂᐊᓕᕈᓐᓇᕐᒥᔪᖅ ᐅᑭᐅᖅᑕᖅᑐᒥ ᐊᓂᒍᐃᑉᐸᑦ ᐱᒋᐊᙵᐅᑎᒋᔭᖓᓂᒃ ᐃᓂᖓᓂᒃ.

We will not be sponsoring immigration or overseas moving expenses for this initial 2-year term missionary appointment. We are accepting applications from those who already hold permission to work and reside in Canada, or someone who feels called to an “intentional interim” 2-year term who is willing to work on a “religious worker” visa without the possibility of immigration sponsorship.  The successful applicant may be elected to the position of Rector and/or appointed Dean of The Arctic after completion of the initial term.

How to Apply:
Complete the Diocesan Application form here: https://arctic.churchcenter.com/people/forms/976002

Please do not contact the parish directly. For questions related to this position, please contact the Diocesan Bishop, Alexander Pryor, at [email protected]